Amakuru aturuka muri aka karere, avuga ko aba bana bapfuye , nyuma y’uko bariye imyumbati binika bakayikuramo ifu y’ubugari yitwa Gitaminsi mu gihe bagenzi babo bari kumwe barwariye mu Kigo nderabuzima cya Nyabirasi undi akaba ari mu bitaro bya Gisenyi.

Umunyamabanga Nshingwabikorwa w’Umurenge wa Nyabirasi w’agateganyo, Tegamaso Patience, yemeje iby’urupfu rw’aba bana.

Yagize ati “Abana babiri bitabye Imana abandi barimo kwitabwaho kwa muganga, harakekwa imyumbati ya Gitaminsi bagaburiwe n’umuturanyi.”

Yongeyeho ko uyu mubyeyi wabagaburiye iyo myumbati ya gitaminsi nta wundi mutima mubi yari afite kubera ko bayisangiye n’abana be.