• Minisitiri w’Intebe Nsengiyumva yagaragaje uburyo u Rwanda rwateye intambwe yo kubuganbunga ibidukikije

?

Minisitiri w’Intebe w’u Rwanda, Dr. Justin Nsengiyumva, yabwiye abayobozi b’Isi ko intambwe idahagarara u Rwanda rwagezeho mu kubungabunga inyamaswa ari gihamya ko kubungabunga ibidukikije bishobora guteza imbere amahoro n’ubukungu muri Afurika yose.

Avuga mu izina rya Perezida Paul Kagame mu muhango wo gutanga ibihembo wa International Conservation Caucus Foundation (ICCF) 2025, wabereye i Washington D.C., Dr. Nsengiyumva yavuze ko kubungabunga ibidukikije ari “imwe mu nkingi z’iterambere ry’igihugu mu myaka mirongo itatu ishize.”

Uyu muhango w’ikirenga wabereye muri Andrew W. Mellon Auditorium wahuje abantu barenga 200 b’inararibonye barimo abagize Inteko Ishinga Amategeko ya Leta Zunze Ubumwe za Amerika, Abayobozi muri Guverinoma, abacuruzi bakomeye ndetse n’abaharanira kurengera ibidukikije.

Minisitiri w’Intebe yashimangiye gahunda z’u Rwanda zishingiye ku bukungu n’abaturage zirimo Kwita Izina, umuhango ngarukamwaka wo kwita amazina ingagi watangiye imyaka 20 ishize, ubu ukaba warabaye ikimenyetso cy’ubufatanye bwa rubanda mu kubungabunga ibidukikije.

“Mu bihe byashize, ingagi zo mu misozi zari mu kaga gakomeye ku buryo byanakekwaga ko zizacika burundu,” yashimangiye. “Ubu, kubera ingamba zacu zo kuzibungabunga, umubare wazo wiyongereye ugera hejuru ya 1,000  ni ukuvuga ko wiyongereye inshuro enye.”

Yanakomeje agaragaza impinduka zabaye muri Pariki y’Igihugu ya Akagera, yongewemo ubukire n’uburumbuke binyuze mu bufatanye hagati ya leta n’ikigo African Parks.

Kuva Pariki y’Igihugu ya Akagera yahabwa ubuyobozi nyuma y’imyaka 15 ishize, umubare w’inyamaswa wagize impinduka ikomeye ukaba wariyongereye inshuro  ebyiri , kandi pariki ubu ikaba ishobora gukoreshwa  mu buryo bw’imari.

Intare zasubijwe muri 2015 nyuma yo gusenyuka mu gihe cya jenoside yo mu 1994, hakurikiraho kwimurirwa kw’ingwe n’ingona z’umukara n’umweru, iyi ya nyuma ikaba ari imwe mu kwimura ingona nyinshi zigeze gukorwa mu mateka hifashishijwe indege.

Dr. Nsengiyumva yashimangiye ko ubu bwiyongere bwose bushingiye ku kwitabira kw’abaturage.

“Abaturage batuye hafi y’izi pariki baba abarwanashyaka b’imbere mu kurengera inyamaswa mu Rwanda kuko tubafasha kungukira mu buryo butaziguye mu bikorwa byo kubungabunga ibidukikije,” yavuze.

Minisitiri w’Intebe yongeye kwemeza ko u Rwanda rugifite umwanya w’ubuyobozi muri Afurika mu kubungabunga ibidukikije, avuga ku ‘Kigali Call to Action for People and Nature’, yashyizweho n’abayobozi ba Afurika muri 2022.

Iyi gahunda yamye itera imikoranire mishya nk’Africa Keystone Protected Area Partnership, ihuza ibikorwa byo kubungabunga ibidukikije n’udushya, ubushakashatsi bw’ubuzima bw’ibinyabuzima, n’ikoranabuhanga rigezweho mu gukurikirana inyamaswa.

Ku bijyanye n’umutekano w’akarere, Dr. Nsengiyumva yashimangiye ko pariki z’Afurika “ntizishobora gukoreshwa n’amatsinda y’iterabwoba cyangwa ibyaha mu guteza umutekano muke.”

Yashimangiye ko u Rwanda rushimira Perezida w’Amerika Donald Trump ku “buyobozi budasanzwe” mu koroshya amahoro mu karere, yibanda ku masezerano y’amahoro ya Washington, arimo ingingo z’ubufatanye bwambukiranya imipaka k’u Rwanda na Repubulika Iharanira Demokarasi ya Kongo (RDC) mu bukerarugendo no kubungabunga ibidukikije.

Yahaye ikaze  Fondasiyo nshya ya Leta Zunze Ubumwe za Amerika yo Kubungabunga Ibidukikije mpuzamahanga, yavuze ko ishobora guteza imbere amahoro mu karere binyuze mu mahirwe yo gukura arambye.

Minisitiri w’Intebe yashimye kandi Rob Walton, umurinzi w’igihe kirekire w’ibidukikije, ku bufasha bwe muri Afurika, cyane cyane ku ruhare rwe mu gushinga African Conservation Academy muri Pariki ya Akagera  ikigo gishya cyo guhugura abahanga mu kubungabunga ibidukikije ku rwego rw’akarere.

Dr. Nsengiyumva  yasoje  ashimangira umuhango wabahuje  werekana ko iyo abantu bakoranye, bashobora guhanga ejo heza ku bana bacu n’isi dutuyeho,”

 

Like This Post?

• Share On:

Related Posts

---