• Imikino / FOOTBALL

Ku wa Kabiri, tariki ya 26 Nzeri 2023, ni bwo Ikipe y’Igihugu y’u Rwanda yakinnye umukino wo kwishyura na Ghana mu yo gushaka itike yo kujya mu Gikombe cya Afurika wabereye i Accra kuri Ohene Djan Sports Stadium.

Ikipe y’Igihugu y’u Rwanda y’Abagore yasezerewe mu mikino yo gushaka itike yo kujya mu Gikombe cya Afurika itsinzwe n’iya Ghana ibitego 5-0 mu mukino wo kwishyura, bituma igiteranyo cy’ibyo yatsinzwe kiba ibitego 12-0.

U Rwanda rwari kumwe n’Umutoza wungirije, Mukamusonera Théogenie, rwatangiye rukinira inyuma ndetse Ghana yamaze kwizera intsinzi igakinira hagati mu kibuga bigaragara ko yari yifitiye icyizere cyane.

Iyi kipe y’Igihugu y’u Rwanda y’Abagore yahise isezererwa ku giteranyo cy’ibitego 12-0 kuko mu mukino ubanza wabereye kuri Kigali Pelé Stadium mu Rwanda rwinjijwe 7-0.

Uyu wari umukino w’ijonjora rya mbere byasabaga Ghana kurenga u Rwanda kugira ngo izahure na Namibia yamaze kubona itike ikuyemo Gambia.

Like This Post? Related Posts
Andika igitekerezo
Recent Comments