Nyuma y’uko APR FC yegukanye igikombe cya shampiyona 2023-24 byahise bituma ikipe ya Rayon Sports ikatisha itike yo gukina imikino ya CAF Confederation Cup 2023-24 yaherukaga mu mikino Nyafurika 2019.
Ubusanzwe iyo ikipe yegukanye igikombe cya shampiyona n’icy’Amahoro, ikipe yabaye iya kabiri muri shampiyona niyo yasohokeraga u Rwanda muri CAF Confederation Cup. Nk’ibisanzwe iyatwaye shampiyona niyo igomba gusohoka muri CAF Champions League.
Umwaka ushize nibwo Ishyirahamwe ry’Umupira w’Amaguru mu Rwanda (FERWAFA) ryahinduye itegeko maze rivuga ko mu gihe ikipe yatwaye shampiyona itwaye n’igikombe cy’Amahoro, iyageze ku mukino wa nyuma w’igikombe cy’Amahoro izajya iba ari yo isohokera u Rwanda muri CAF Confederation Cup.
Like This Post?
Related Posts
Yanditswe na: DUSHIMIMANA Elias
29/05/2023 07:37
