Kuri uyu wa Kane tariki 22 Gashyantare 2024, Nibwo ku cyicaro gikuru cya Polisi y’u Rwanda, Kacyiru, Umuyobozi Mukuru wa Polisi y’u Rwanda, IGP Felix Namuhoranye, yakiriye mu biro bye itsinda riyobowe na Michel Nicaise Nassin, Minisitiri w’umutekano muri Repubulika ya Centrafrique wagiriye uruzinduko ruzamara icyumweru mu Rwanda.
Michel Nicaise Nassin, Minisitiri w’umutekano muri Repubulika ya Centrafrique ari kumwe na General Landry Ulrich Depot, Umuyobozi Mukuru wa Jandarumori muri icyo gihugu.
Nicaise Nassin n’itsinda ayoboye bari mu Rwanda mu ruzinduko rugamije gushimangira ubufatanye hagati y’ibihugu byombi.
Ibiganiro by’aba bayobozi byitabiriwe n’Umuyobozi Mukuru Wungirije wa Polisi y’u Rwanda ushinzwe ubutegetsi n’abakozi (DIGP) Jeanne Chantal Ujeneza, Umuyobozi w’Ishami rishinzwe ibikorwa muri Polisi y’u Rwanda, CP George Rumanzi n’abandi bayobozi bakuru muri Polisi y’u Rwanda nkuko ImvahoNshya ibitangaza dukesha iyi nkuru.
U Rwanda rusanganywe abapolisi basaga 700 muri Centrafrique bari mu butumwa bw’amahoro bwa Loni, barimo umutwe wihariye ugizwe n’abapolisi 140 bashinzwe kurinda abayobozi.
Amafoto: RNP
Like This Post?
Related Posts
Yanditswe na: DUSHIMIMANA Elias
22/02/2024 13:05
