Yanditswe na: DUSHIMIMANA Elias
21/05/2023 09:49
Ku wa Gatandatu tariki 20 Gicurasi 2023 Ubwo ikipe ya Arsenal yatsindwaga na Nottingham Forest 1-0 byahesheje amahirwe ikipe ya Manchester City yahise yegukana igikombe cya shampiyona 2022/2023 n’ubwo yatsindwa imikino ibiri isigaranye.
Manchester City yegukanye igikombe cya shampiyona itari yarangira kuko gutsindwa kwa Arsenal iri ku mwanya wa kabiri n’amanota 81 byatumye n’ubwo Manchester City yatsindwa imikino ibiri isigaranye irimo n’uwo yakiramo Chelsea kuri iki Cyumweru, Arsenal isigaje umukino umwe w’amanota atatu idashobora gufata Manchester City ifite amanota 85 kugeza ubu.
Iki ni igikombe cya gatatu cyikurikiranya Manchester City yegukanye (2020/2021, 2021/2022, 2022/2023) mu gihe muri rusange ari igikombe cya gatanu umutoza Pep Guardiola ahesheje iyi kipe kuva yayigeramo mu mwaka w’imikino wa 2016/2017.
Like This Post? Related Posts
