Minisitiri w’ubutabera wa Gineya, Charles Alphonse Wright, yahise atangaza ko hafunzwe imipaka y’igihugu yose kugira ngo Camara adahunga iki igihugu Kiri mu burengerazuba bwa Africa

Uwo munsi imodoka za gisirikare ndetse n’Ingabo zibarizwa mu mutwe ushinzwe kurwana aho rukomeye, zagaragaye mu mihanda ndetse urusaku rw’amasasu rwumvikanye hafi y’agace gakoreramo inzego za leta ahitwa Kaloum.

Ureste Moussa Camara, abandi batorokanye barimo Claude Pivi wari Minisitiri w’Umutekano ku ngoma ye, Blaise Goumou na Moussa Thiégboro bamaze gufatwa.

Abo bose bafunzwe bashinjwa ubwicanyi bwabaye mu gihugu ku wa 28 Nzeri 2009 bwaguyemo abantu 157.

Capt. Moussa Camara akurikiranyweho kuba ari we watanze itegeko ku basirikare bagize uruhare muri ubwo bwicanyi.

Col Moussa Dadis Camara yahise ayobora igihugu kuva ku wa 24 Ukuboza 2008 kugeza ku wa 15 Mutarama 2010.

Uyu mugabo w’imyaka 59 yaje guhungira muri Burkina Faso kubera ibirego yashinjwaga, mbere y’uko agaruka mu gihugu ngo agashyikirizwa inzego z’ubutabera.

Moussa Dadis Camara uhakana ibyaha ashinjwa yivuye inyuma, yafunzwe k itariki ya 27 Nzeri 2022.