Yanditswe na: TUYIZERE Mubaraka
02/11/2023 09:55
Kuva ku wa Kane tariki 11 Kamena 2026 kugeza ku cyumweru taliki 19 Nyakanga 2026, ni amataliki azaba arimo ibirori bya ruhago biba buri myaka 4 , iyi ni imikino yanyuma y'igikombe cy'isi, iteganyijwe kubera muri Leta Z'unze Ubumwe za America , Canada na Mexico ,iyi mikino niyo yambere izitabirwa n'ibihugu 48 bivuye kuri 32.
Igikombe cy'isi, ni kimwe mu bikorwa bihambaye mu isi ya sports, by'umwihariko umupira w'amaguru ari nayo mpamvu gihuruza imbaga , kugirango wakire imikino yanyuma y'igikombe cy'isi, bisaba kuba ufite ama stade manini kandi meza kugirango iyi mikino ibashe gukomeza kuryohera abarebyi .
Mugice cya mbere cy'iyi nkuru, tugiye kurebera hamwe Stade 8 zatoranyijwe kuzaberaho imikino yanyuma y'igikombe cy'isi 2026, nyinshi muri izi stade zikunze gukoreshwa muri shampiyona ya NFL , muri America ari nayo mpamvu usanga ari nini cyane , Estadio Azteca yo muri Mexico niyo nini ,ikaba izaba yakira igikombe cy'isi ku nshuro 3 , ikaba ariyo yambere izaba ibikoze ,
1. Metllife Stadium :
Iyi ni stade iherereye mu Mujyi wa New York , ni imwe mu zihabwa amahirwe yo kwakira umukino wanyuma.
Iyi stade yakira abantu 82,500,Yafunguwe bwa mbere muri 2010 ikaba ari iya 2 mu bunini muzizakira igikombe cy'Isi cya 2026.
2.AT&T Stadium :
iyi stade yo iherereye mu mujyi wa Dallas muri Texas , iyi niyo stade rukumbi, izongera kwakira imikino yanyuma y'igikombe cy'isi, nyuma yo kwakira iyo mu 1994, ubusanzwe iyi stade ifite ubushobozi bwo kwakira abafana 90,000, gusa ikaba itajya yemererwa kuzura kuko iyo yakoreshejwe mu mikino itandukanye hinjizwa abafana 80,000 gusa .
3.Arrowhead Stadium:
Ni stade iherereye mu mujyi wa Kansas, ikaba ari imwe mu ma stade agira urusaku rwinshi cyane , iyi stade yakira abantu 76,416 ikaba nayo ikunda gukoreshwa mu mikino ya NFL.
4.NRG Stadium :
Iyi ni stade iherereye mu mujyi wa Houston , ikaba yarafunguwe mu mwaka wi 2002 , iyi stade yakira abafana 72,220
5. mercedes Benz Stadium :
Iyi ni imwe mu ma stade yubatswe mu buryo bugezweho kuko ifite igisenge gishobora gufunga stade yose no hejuru y'ikibuga, iki gisenge bagifunga ndetse bakagifungurira igihe bashakiye , iyi stade iherereye mu mujyi wa Atlanta , yakira abafana 71,000
6. SoFi Stadium:
Iyi ni imwe muri stade nini ziri muri Leta Z'unze Ubumwe za America ,kuko yakira abafana 70,240, ariko ikaba isanzwe ifite ubushobozi bwo kwakira abafana 100,000, iyi stade kandi ni imwe muzubutswe mu buryo bugezeho kandi budasanzwe , ikaba iherereye mu mujyi Los Angeles .
7.Lincoln financial Field :
Iyi stade iherereye mu mujyi wa Philadelphia ikaba yakira abafana 69,796, iyi stade ntabwo ari ubwambare izaba yakiriye irushanwa rikomeye kuko yakiniweho umukino wanyuma wa Concacaf Gold Cup wahuje Mexico na Jamaica.
8. Lumen Field:
Iyi ni stade iri mu mujyi wa Seattle , ikaba ari umbwa mbere izaba yakiriye imikino mpuzamahanga ikomeye , iyi stade yakira abafana 69,000.
Izi stade zose twagarutseho ziherereye muri Leta Z'unze Ubumwe za America , mu gice cya 2 tukaba tuzagaruka kuzindi stade harimo 3 zo muri America n'izindi zo muri Canada na Mexico.
k
Like This Post? Related Posts
